Сподели:

СООПШТЕНИЈА

Скопје, 1 јули 2019 година

Граѓаните на Северна Македонија од денеска, при секое патување во земјите од регионот, односно во Албанија, Босна и Херцеговина, Косово, Србија и Црна Гора ќе можат да користат интернет, да испраќаат СМС пораки да добиваат повици и примаат повици за цени пониски дури и до 99%. Ова денеска го најави министерот за информатичко општество и администрција Дамјан Манчевски.

Скопје, 27 јуни 2019 година

Министерот за информатичко општество и администрација Дамјан Манчевски, денеска се сретна со членовите на тимот „Space Walkers“, по големиот успех и освоеното второ место на првиот меѓународен  FIRST LEGO League настан, кој се одржа во Либан. Станува збор за натпревар во едукативна роботика кој се одржува во повеќе од 98 земји, а оваа година учествуваат 40.000 тимови.

Скопје, 26 јуни 2019 година

Северна Македонија со поддршка на Меѓународната унија за телекомуникации- ITU, е домаќин на тридневна работилница за сајбер безбедност.

Скопје, 24 јуни 2019 година

Министерот за информатичко општество и администрација Дамјан Манчевски, денеска се обрати на конференцијата „Како понатаму? Реформите на јавната администрација по јунскиот Европски совет“.

Во своето обраќање тој се осврна на реализираните активности во изминатите две години, како и на мерките кои се во завршна фаза.

Софија, 20 јуни 2019 година

Министерот за информатичко општество и администрација Дамјан Манчевски се обрати на Форум-Innostart, што денеска се одржува во Софија, Р. Бугарија.

На панел сесијата „Градење на иновативни екосистеми во Југоисточна Европа: политики, поддршка и претприемништво“, министерот Манчевски, се обрати заедно со бугарскиот министер за транспорт и комуникации Росен Желиасков и министерот за иновации и технолошки развој на Р. Србија, Ненад Поповиќ.

Скопје, 19 јуни 2019 година

Министерството за информатичко општество и администрација во соработка со Мисијата на ОБСЕ во Скопје го организираше првиот работен состанок со членовите на Мрежата на организациони единици за управување со човечки ресурси.

Скопје, 12 јуни 2019 година

Министерот за информатичко општество и администрација Дамјан Манчевски ја отвори конференцијата на тема: „Модерно планирање и буџетски системи во дигитална средина“. Во своето обраќање министерот Манчевски се осврна на важноста од дигитализацијата за развој на економијата, а со тоа и за подобрување на квалитетот на живот на сите граѓани.

Скопје, 10 јуни 2019 година

Третата меѓународна конференција од областа на телекомуникациите, денеска официјално се отвори во Скопје. Оваа тридневна конференција годинава е на тема: „5G и понатаму“ (5G and Beyond), како предвесник на технологијата што ќе ја одбележи наредната декада. Иницирана од група еминентни научници, конференцијата прераснува во собир на релевантни истражувачи и се стреми да го доближи технолошкиот моментум и да го намали информативниот процеп помеѓу развиените земји и Балканскиот регион.

Охрид, 5 јуни 2019 година

Министерот за информатичко општество и администрација Дамјан Манчевски учествува на меѓународната годишна конференција за сајбер безбедност што се одржува во Охрид. Дводневната конференција е во организација на Националниот центар за одговор на компјутерски инциденти MKD-CIRT и Агенцијата за електронски комуникации, со цел да се подобри соработката и размената на информации од областа на сајбер безбедност меѓу CIRT тимови од Југоисточна Европа, оператори на критична информациска инфраструктура, организации од јавниот и владиниот сектор, и меѓународни ИКТ компании.

Pages

МИНИСТЕР

Министер за информатичко општество и администрација

Search form